കുറ്റിപ്പുറം റെയിൽവേ സ്റ്റേഷൻ വികസനം ദ്രുതഗതിയിൽ പൂർത്തിയാക്കുന്നതിന് കർമ പദ്ധതി

-


കുറ്റിപ്പുറം റെയിൽവേ സ്റ്റേഷൻ വികസനം   

2024 മാർച്ചിൽ പൂർത്തീകരിക്കും 

ഡിവിഷണൽ മാനേജർ അരുൺകുമാർ ചതുർവേദി   

കുറ്റിപ്പുറം: റെയിൽവേ സ്റ്റേഷന്റെ വികസനം ദ്രുതഗതിയിൽ പൂർത്തിയാക്കുന്നതിന് കർമ പദ്ധതി രൂപീകരിച്ചതായി റെയിൽവേ പാലക്കാട് ഡിവിഷണൽ മാനേജർ അരുൺകുമാർ ചതുർവേദി. കുറ്റിപ്പുറം റെയിൽവേ സ്റ്റേഷൻ അമൃത് ഭാരത് പദ്ധതിയിൽ ഉൾപ്പെടുത്തി നടപ്പാക്കുന്ന സമഗ്ര വികസന പദ്ധതി 2024 മാർച്ചിന് മുമ്പ് പൂർത്തീകരിക്കുന്നതിന്റെ ഭാഗമായായി അവലോകന സന്ദർശനം നടത്താൻ എത്തിയതായിരുന്നു അദ്ദേഹം. 

നിർദിഷ്ട കുറ്റിപ്പുറം - ഗുരുവായൂർ റെയിൽപാത പരിഗണനയിൽ ഉണ്ടെന്നും ഇനി സർക്കാർ തല രാഷ്ട്രീയ തീരുമാനമാണ് വേണ്ടതെന്നും പറഞ്ഞ ഡി ആർ എം, തിരൂർ റോഡിലേക്കോ വൺവേ റോഡിലേക്കോ കുറ്റിപ്പുറം റെയിൽവേ സ്റ്റേഷനിൽ നിന്നും റോഡ് നിർമിക്കുന്നത് സംബന്ധിച്ച് ഉടൻ പ്രവൃത്തി തുടങ്ങാനും നിർദേശം നൽകിയതായി അറിയിച്ചു. 

വിപുലീകരിച്ച പാർക്കിംഗ് ഏരിയകളുടെ നിർമാണവും മുഖ്യകവാടത്തിൽ നിർമിച്ച റിംഗ് റോഡ് പദ്ധതിയും യാത്രക്കാർക്കുള്ള പ്രത്യേക പാത്ത് വേയും ഉൾപ്പെടെ ഡിആർ എം നയിച്ച ഉന്നത തല സംഘം പരിശോധിച്ചു. പുതുതായി നിർമിച്ച പാർക്കിംഗ് ഏരിയയിൽ നിന്നും പഴയ കൈത ഇടവഴി വഴി വൺവേ റോഡിലേക്കും റെയിൽവേ മേൽപ്പാലത്തിന് ചുവട്ടിലൂടെ തിരൂർ റോഡിലേക്കും പ്രവേശിക്കാനുള്ള റോഡ് നിർമിക്കാനുള്ള നടപടികൾക്കും ഡിആർഎം നിർദേശം നൽകി. നിലവിലെ റെയിൽവേ റോഡ് വീതി കൂട്ടാൻ പഞ്ചായത്ത് വക ബങ്കുകൾ മാറ്റി സ്ഥാപിക്കാൻ നിരവധി തവണ നോട്ടീസ് നൽകിയിട്ടും കുറ്റിപുറം ഗ്രാമ പഞ്ചായത്ത് അധികൃതർ നടപടി സ്വീകരിക്കാത്തതിനാലാണ് ബദൽ റോഡ് മാർഗം തേടുന്നത്. 



കുറ്റിപ്പുറം റെയിൽവേ പാസഞ്ചേഴ്സ് യൂണിയൻ പ്രതിനിധികളായ കെപി അശോകൻ, എൻ വി കുഞ്ഞി മുഹമ്മദ്, നാസർ പൊറ്റാരത്ത് , പാറക്കൽ അബു, തയ്യിൽ ഹുസൈൻ, വി ദേവരാജൻ, എ കെ ഇഖ്ബാൽ തുടങ്ങിയവർ ഡിആർഎമ്മിന് വിവിധ ആവശ്യങ്ങൾ ഉന്നയിച്ച് നിവേദനം നൽകി.


Comments

Post a Comment

Popular posts from this blog

കുറ്റിപ്പുറം ജി.എച്.എസ്‌.എസിൽ ബോധവൽകരണ ക്യാമ്പയിൻ സംഘടിപ്പിച്ച് ആർ.പി.എഫ്

-
Image
updated 08 july 2023   Kuttippuram   കുറ്റിപ്പുറം ജി.എച്.എസ്‌.എസിൽ  ബോധവൽകരണ ക്യാമ്പയിൻ  സംഘടിപ്പിച്ച് ആർ.പി.എഫ് കുറ്റിപ്പുറം : ആർപിഎഫിന്റെ ആഭിമുഖ്യത്തിൽ കുറ്റിപ്പുറം ഗവ. ഹയർ സെക്കണ്ടറി സ്കൂളിൽ ബോധവൽക്കരണ ക്യാമ്പയിൻ സംഘടിപ്പിച്ചു.  ട്രെയിനിന് നേരെയുള്ള കല്ലേറ്, പാളത്തിൽ കല്ലുകൾ വയ്ക്കുക, റെയിൽവേ ട്രാക്ക് മുറിച്ച് കടക്കുക്ക തുടങ്ങിയ ട്രെയിനിലും റെയിൽവേ പരിസരങ്ങളിലും നടക്കുന്ന നിയമവിരുദ്ധ പ്രവൃത്തികൾ മൂലമുണ്ടായേക്കാവുന്ന അപകടങ്ങളെ കുറിച്ച് വിദ്യാർത്ഥികൾക്ക് അവബോധം നൽകി.   ഓടിക്കൊണ്ടിരിക്കുന്ന തീവണ്ടിയിൽ കയറുകയും ഇറങ്ങുകയും ചെയ്യൽ, തീവണ്ടിയുടെ ഫുട്ബോർഡിൽ നിന്നുള്ള യാത്ര ചെയ്യൽ എന്നീ പ്രവൃത്തികൾ ഒഴിവാക്കണമെന്ന ഉപദേശവും വിദ്യാർത്ഥികൾക്ക് നൽകി. റെയിൽവേ ഹെല്പ്ലൈൻ നമ്പരായ 139 വിദ്യാർത്ഥികൾക്കും അധ്യാപർക്കുമായി പരിചയപ്പെടുത്തി. ആർ.പി.എഫ് സി.ഐ‌ സി.ടി ക്ലാര വൽസ,  സബ് ഇൻസ്പെക്ടർ പി.വി ഹരികുമാർ എന്നിവർ ക്യാമ്പയിനിന് നേതൃത്വം നൽകി.
Read more

പൊള്ളലേറ്റ് ചികിത്സയിലായിരുന്ന കുറ്റിപ്പുറം സ്വദേശി സുബ്രഹ്മണ്യൻ മരണപ്പെട്ടു.

-
Image
  പൊള്ളലേറ്റ് ചികിത്സയിലായിരുന്ന കുറ്റിപ്പുറം സ്വദേശി സുബ്രഹ്മണ്യൻ മരണപ്പെട്ടു. കുറ്റിപ്പുറം: ശ്രീ നൊട്ട നാലുക്കല്‍ ഭഗവതീ ക്ഷേത്രത്തിലെ കതിന വെടിക്കാരന്‍ വെടി മരുന്നിന് തീ പിടിച്ച് ഗുരുതരമായി പരുക്കേറ്റ ബംഗ്ളാംകുന്ന് സ്വദേശി വാരിയത്ത് പടി സുബ്രഹ്മണ്യന്‍ (55) ചികിത്സയിലിരിക്കെ ശനിയാഴ്ച ഉച്ചയോടെ മരണപ്പെട്ടു. ഗുരുതരമായി.പൊള്ളലേറ്റ സുബ്രഹ്മണ്യനെ തൃശൂർ മെഡിക്കൽ കോളേജിൽ തീവ്ര പരിചരണ വിഭാഗത്തില്‍ ചികിത്സയിലായിരുന്നു.  വെള്ളിയാഴ്ച്ച വൈകുന്നേരം അഞ്ച് മണിക്കാണ് അപകടം നടന്നത് വെടിവഴിപാടിന്റെ ഭാഗമായി കതിന വെടി പൊട്ടിച്ചതിനു ശേഷം തിരികെ നടക്കുന്നതിനിടെ നിലത്ത് വീണതിനിടയില്‍ സുബ്രഹ്മണ്യന്റെ കയ്യില്‍ കതിന വെടിക്ക് തീ കൊടുക്കാന്‍ കത്തിച്ചു പിടിച്ചിരുന്ന ചന്ദനത്തിരി വെടിമരുന്ന് വെച്ചിരുന്ന മുറിയിലേക്ക് തെറിച്ചതിനെ തുടര്‍ന്ന് അവിടെയുണ്ടായിരുന്ന വെടിമരുന്നിന് തീ പിടിക്കുകയായിരുന്നൂവെന്നാണ് പ്രാഥമിക വിവരം. ശബരിമലക്ക് മാലയിട്ടിരുന്ന സുബ്രഹ്മണ്യന്‍ ശനിയാഴ്ച്ച ശബരിമലയിലേക്ക് പോകാനിരിക്കേയാണ് അപകടത്തില്‍പ്പെട്ടത്. ഭാര്യ -ശാന്ത,മകൾ -ധന്യ  തൃശൂർ മെഡിക്കൽ കോളേജിൽ സൂക്ഷിച്ച മൃതദേഹം  ഞായ...
Read more

എം.പി.എ ലത്തീഫ് പൊലിസ് കസ്റ്റഡിയിൽ

-
Image
  Kuttippuram Updated 27 June 2023 എം.പി.എ ലത്തീഫ്  പൊലിസ് കസ്റ്റഡിയിൽ കുറ്റിപ്പുറം :കീഴാറ്റൂർ പഞ്ചായത്ത് സെക്രട്ടറിയെ തടഞ്ഞുവെച്ച് ബഹളമുണ്ടാക്കിയ കേസിൽ പരിസ്ഥിതി പ്രവർത്തകനും കുറ്റിപ്പുറം സ്വദേശിയുമായ എം.പി.എ ലത്തീഫ് പൊലിസ് കസ്റ്റഡിയിൽ . മേലാറ്റൂർ പൊലിസിൻ്റെ നിർദേശത്തെ തുടർന്ന് കുറ്റിപ്പുറം പൊലിസാണ് ലത്തീഫിനെ ഇന്ന് കസ്റ്റഡിയിലെടുത്തത്. കാവനൂർ എളയൂർ സ്വദേശി ചങ്ങനാശ്ശേരി പിടിവളളിയിൽ അസ്ക്കർ (38)നെ മേലാറ്റൂർ പൊലിസ് അറസ്റ്റു ചെയ്തു.മനുഷ്യാവകാശ പ്രവർത്തകൻ അഡ്വ. പി.എ പൗരൻ ഉൾപ്പെടെ അഞ്ചു പേർക്കെതിരെ കഴിഞ്ഞ ദിവസം മേലാറ്റൂർ പൊലിസ് കേസെടുത്തിരുന്നു. കഴിഞ്ഞ ദിവസം കിഴാറ്റൂർ പഞ്ചായത്ത് ഓഫിസിലെത്തി ബഹളമുണ്ടാക്കുകയും ജീവനക്കാരുടെ ഔദ്യോഗിക കൃത്യനിർവഹണം തടസ്സപ്പെടുത്തുകയും ചെയ്തുവെന്ന പഞ്ചായത്ത് സെക്രട്ടറി കൊല്ലം സ്വദേശി എസ്‌. രാജേഷ് കുമാർ നൽകിയ പരാതിയിലാണ് മേലാറ്റൂർ പൊലീസ് കേസെടുത്തത്. പി.എ പൗരന് പുറമെ മേലാറ്റൂർ സ്വദേശി ശിവദാസൻ, പാണ്ടിക്കാട് സ്വദേശി നഹാസ്, വാഴക്കാട് സ്വദേശി കുഞ്ഞിക്കോയ, മമ്പാട് സ്വദേശി മുസ്തഫ തുടങ്ങി മറ്റു കണ്ടാലറിയാവുന്ന ഏഴുപേർക്കു മെതിരെയാണ് കേസെടുത്തത്. ഓഫിസിന് തീയിട്ട മ...
Read more